Lanbideren enplegu eta formakuntza azoka 2019ko edizioa

Enpresek Merkalanen eskainitako lanpostuen % 50 baino gehiago bete dituzte

Merkalanen lehen edizioak urriaren 21ean eta 22an Kursaal Jauregira bertaratu ziren enpresek 314 pertsona kontratatzeko balio izan zuen. Era berean, hautagai asko enpresa horietako lan-poltsetan sartu dira.

Bi egun horietan, 6.000 pertsona inguruk bisitatu zuten Donostiako jauregia Lanbideren arlo diferentetan egiten den lanari buruz informazioa jasotzeko, eta azokan stand propioa ipini zuten 54 enpresek —gehienak Gipuzkoakoak— eskainitako 602 lanpostuen ezaugarriak bertatik bertara ezagutzeko.

Beste hamahiru enpresek Merkalanen parte-hartzea workshop gunean hitzaldi laburrak emateko aprobetxatu zuten. Lan-proiektuak eta -aukerak aurkezteko balio zuen gune horrek oso harrera ona izan zuen azoka bisitatu zuten pertsonen eta enpresen artean.